ಸುದ್ದಿಯಲ್ಲಿ ಏಕಿದೆ? ವಿಶ್ವ ಪರಿಸರ ದಿನ. ಇದರ ಅಂಗವಾಗಿ ಪ್ರಧಾನಿ ನರೇಂದ್ರ ಮೋದಿ ತಮ್ಮ ಅಧಿಕೃತ ನಿವಾಸದ ಅಂಗಳದಲ್ಲಿ ವಿಶೇಷವಾದ ಸಿಂಧೂರ ಸಸಿ ನೆಟ್ಟರು.

ಮುಖ್ಯಾಂಶಗಳು

• ಈ ಸಸಿಯನ್ನು 1971ರ ಯುದ್ಧದಲ್ಲಿ ಅಪ್ರತಿಮ ಧೈರ್ಯ ತೋರಿದ್ದ ಮಹಿಳಾ ಗುಂಪೊಂದು ಪ್ರಧಾನಿ ಅವರಿಗೆ ಇತ್ತೀಚಿಗೆ ನೀಡಿದ್ದರು. ಇದು ಮಹಿಳೆಯರ ಶೌರ್ಯ ಮತ್ತು ಸ್ಫೂರ್ತಿಯ ದೃಢವಾದ ಸಂಕೇತವಾಗಿದೆ.
• ಈ ಸಸಿಯನ್ನು ನೆಡುವ ಮೂಲಕ ಪ್ರಧಾನಿ ಅವರು ಆಪರೇಷನ್​ ಸಿಂಧೂರ್​ಗೆ ವಿಶೇಷ ಗೌರವವನ್ನು ಸಲ್ಲಿಸಿದರು.

ಏನಿದು ಸಿಂದೂರ ಮರ?

• ಅನ್ನಾಟೊ ಅಥವಾ ಬಿಕ್ಸಾ ಒರೆಲ್ಲಾನಾ ಎಂದು ಕರೆಯಲಾಗುವ ‘ಸಿಂದೂರ ಮರ’ವನ್ನು ಲಿಪ್‌ಸ್ಟಿಕ್‌ ಟ್ರೇ ಅಂತಲೂ ಕರೆಯಲಾಗುತ್ತದೆ.
• ಕೆಂಪು ವರ್ಣದ ಹೂವು ಬಿಡುತ್ತದೆ. ಹಣ್ಣಿನ ಬೀಜಗಳನ್ನು ಸಿಂದೂರ ತಯಾರಿಸಲು ಬಳಸಲಾಗುತ್ತದೆ ಎಂಬ ಕಾರಣಕ್ಕೆ ಈ ಹೆಸರು ಬಂದಿದೆ.
• ಸೌಂದರ್ಯ ವರ್ಧಕ ಉತ್ಪನ್ನಗಳಲ್ಲೂ ಇದನ್ನು ಬಳಸಲಾಗುತ್ತದೆ.
• ಸಸ್ಯವು ಭಾರತದಲ್ಲಿ ಸಾಂಸ್ಕೃತಿಕ, ಧಾರ್ಮಿಕ ಮತ್ತು ಔಷಧೀಯ ಮಹತ್ವವನ್ನು ಹೊಂದಿದೆ.
• ಇದನ್ನು ಸೌಂದರ್ಯವರ್ಧಕಗಳು ಮತ್ತು ಆಹಾರದಲ್ಲಿ ನೈಸರ್ಗಿಕ ಬಣ್ಣವಾಗಿಯೂ ಬಳಸಲಾಗುತ್ತದೆ.
• ಆಯುರ್ವೇದದಲ್ಲಿ ಈ ಸಸ್ಯವು ಅದರ ಉರಿಯೂತದ ಮತ್ತು ಉತ್ಕರ್ಷಣ ನಿರೋಧಕ ಗುಣಲಕ್ಷಣಗಳಿಗೆ ಹೆಸರುವಾಸಿಯಾಗಿದೆ.
• ಇದು ಚರ್ಮದ ಸ್ಥಿತಿಗಳಿಗೆ ಚಿಕಿತ್ಸೆ ನೀಡುವ ಮತ್ತು ಜೀರ್ಣಕ್ರಿಯೆಯನ್ನು ಸುಧಾರಿಸುವ ಸಾಮರ್ಥ್ಯವನ್ನು ಹೊಂದಿದೆ.