ಸುದ್ದಿಯಲ್ಲಿ ಏಕಿದೆ? ಪ್ರಧಾನಮಂತ್ರಿಯವರು ಜಮ್ಮು ಮತ್ತು ಕಾಶ್ಮೀರದಲ್ಲಿ ಚೆನಾಬ್ ನದಿಗೆ ಅಡ್ಡಲಾಗಿ ನಿರ್ಮಿಸಲಾದ ಚೆನಾಬ್ ರೈಲು ಸೇತುವೆ ಮತ್ತು ಚೆನಾಬ್ ನದಿಯ ಉಪನದಿಯಾದ ಅಂಜಿ ನದಿಗೆ ಅಡ್ಡಲಾಗಿ ನಿರ್ಮಿಸಲಾದ ಭಾರತದ ಮೊದಲ ಕೇಬಲ್-ಸ್ಟೇ ರೈಲು ಸೇತುವೆಯಾದ ಅಂಜಿ ಖಾಡ್ ಸೇತುವೆಯನ್ನು ಉದ್ಘಾಟಿಸಿದರು.

ಮಹತ್ವ

• ಎರಡೂ ಸೇತುವೆಗಳು ಉಧಮ್‌ಪುರ-ಶ್ರೀನಗರ-ಬಾರಾಮುಲ್ಲಾ ರೈಲು ಸಂಪರ್ಕ (USBRL) ಯೋಜನೆಯ ಭಾಗವಾಗಿದ್ದು, ಕಾಶ್ಮೀರ ಮತ್ತು ಭಾರತದ ಉಳಿದ ಭಾಗಗಳ ನಡುವೆ ಎಲ್ಲಾ ಹವಾಮಾನ ರೈಲು ಸಂಪರ್ಕವನ್ನು ಒದಗಿಸುತ್ತದೆ.
• ಈ ಎರಡು ಸೇತುವೆಯನ್ನು ಕೊಂಕಣ ರೈಲ್ವೆ ನಿಗಮದಿಂದ ಕಾರ್ಯಗತಗೊಳಿಸಲಾಗಿದೆ..

ಚೆನಾಬ್ ರೈಲು ಸೇತುವೆಯ ಬಗ್ಗೆ:

• ರಿಯಾಸಿ ಜಿಲ್ಲೆಯಲ್ಲಿ ನೆಲೆಗೊಂಡಿರುವ ಇದು ವಿಶ್ವದ ಅತಿ ಎತ್ತರದ ರೈಲ್ವೆ ಕಮಾನು ಸೇತುವೆಯಾಗಿದೆ.
• 2008ರಲ್ಲಿ ಯೋಜನೆಯ ಕಾಮಗಾರಿ ಆರಂಭವಾಗಿತ್ತು.
• ನಿರ್ಮಾಣ ಮತ್ತು ವಿನ್ಯಾಸ: ಆಫ್ಕಾನ್ಸ್ ಇನ್ಫ್ರಾಸ್ಟ್ರಕ್ಚರ್, ಅಲ್ಟ್ರಾ ಕನ್‌ಸ್ಟ್ರಕ್ಷನ್ (ದಕ್ಷಿಣ ಕೊರಿಯಾ) ಮತ್ತು ವಿಎಸ್‌ಎಲ್ ಇಂಡಿಯಾದ ಜಂಟಿ ಉದ್ಯಮದಿಂದ ನಿರ್ಮಿಸಲಾಗಿದೆ, ಅಡಿಪಾಯವನ್ನು ಬೆಂಗಳೂರಿನ ಐಐಎಸ್ಸಿ ವಿನ್ಯಾಸಗೊಳಿಸಿದೆ. ಐಐಟಿ ದೆಹಲಿ ಮತ್ತು ಐಐಟಿ ರೂರ್ಕಿ ಭೂಕಂಪನ ವಿಶ್ಲೇಷಣೆ ನಡೆಸಿದರೆ, ಡಿಆರ್‌ಡಿಒ ಸೇತುವೆ ಸ್ಫೋಟ ನಿರೋಧಕವಾಗಿದೆ ಎಂದು ಖಚಿತಪಡಿಸಿಕೊಂಡಿದೆ.
• ಈ ಬ್ರಿಡ್ಜ್‌ ನಿರ್ಮಾಣದ ಹಿಂದೆ ಭಾರತೀಯ ವಿಜ್ಞಾನ ಸಂಸ್ಥೆಯ ಪ್ರಾಧ್ಯಾಪಕಿ ಜಿ. ಮಾಧವಿ ಲತಾ ಅವರ ಕೊಡುಗೆ ಇದೆ.
• 17 ವರ್ಷಗಳ ಕಾಲ ಚೆನಾಬ್ ಸೇತುವೆ ಯೋಜನೆಯಲ್ಲಿ ಭೂತಾಂತ್ರಿಕ ಸಲಹೆಗಾರರಾಗಿ ಕೆಲಸ ಮಾಡಿದ್ದಾರೆ.
• ಐಐಎಸ್ಸಿ ಸಿವಿಲ್ ಎಂಜಿನಿಯರಿಂಗ್ ವಿಭಾಗದ ರಾಕ್ ಎಂಜಿನಿಯರಿಂಗ್‌ ತಜ್ಞೆಯಾಗಿದ್ದಾರೆ
• ಬಾಳಿಕೆ ಮತ್ತು ಸುರಕ್ಷತೆ: ಇದನ್ನು 8 ತೀವ್ರತೆಯ ಭೂಕಂಪಗಳು, 40 ಟನ್ TNT ವರೆಗಿನ ಸ್ಫೋಟಗಳು, -20°C ವರೆಗಿನ ಕಡಿಮೆ ತಾಪಮಾನ ಮತ್ತು 266 ಕಿಮೀ/ಗಂಟೆಗೆ ತಲುಪುವ ಗಾಳಿಯ ವೇಗವನ್ನು ತಡೆದುಕೊಳ್ಳುವಂತೆ ವಿನ್ಯಾಸಗೊಳಿಸಲಾಗಿದೆ.

ಅಂಜಿ ಖಾಡ್ ಸೇತುವೆ

ನಿರ್ಮಾಣ: 2017 ರಲ್ಲಿ ಪ್ರಾರಂಭವಾಗಿ 2023 ರಲ್ಲಿ ಪೂರ್ಣಗೊಂಡಿತು.

ಉದ್ದ: 725.5 ಮೀಟರ್.

ಎತ್ತರ: 331 ಮೀಟರ್ (ನದಿಯ ತಳದಿಂದ).

ನಿರ್ಮಾಪಕ: ಹಿಂದೂಸ್ತಾನ್ ಕನ್ಸ್ಟ್ರಕ್ಷನ್ ಕಂಪನಿ.

ಸಂಪರ್ಕಿಸುವ ಸ್ಥಳಗಳು: ಕತ್ರಾ ಮತ್ತು ರಿಯಾಸಿ ನಡುವಿನ ಪ್ರದೇಶವನ್ನು ಸಂಪರ್ಕಿಸುತ್ತದೆ

ಇದು ಭಾರತದ ಮೊದಲ ಕೇಬಲ್-ಸ್ಟೇಡ್ ರೈಲು ಸೇತುವೆ ಮತ್ತು ಚೆನಾಬ್ ರೈಲು ಸೇತುವೆಯ ನಂತರ ದೇಶದ 2 ನೇ ಅತಿ ಎತ್ತರದ ರೈಲ್ವೆ ಸೇತುವೆಯಾಗಿದೆ.

 ಚೆನಾಬ್ (ಅಥವಾ ಚಂದ್ರಭಾಗಾ ನದಿ)

ಸಿಂಧೂ ನದಿಯ ಅತಿದೊಡ್ಡ ಉಪನದಿಯಾಗಿದ್ದು, ಹಿಮಾಚಲ ಪ್ರದೇಶದ ತಂಡಿಯಲ್ಲಿ ಚಂದ್ರ ಮತ್ತು ಭಾಗಾ ನದಿಗಳ ಸಂಗಮದಿಂದ ರೂಪುಗೊಂಡಿದೆ.