ಸುದ್ದಿಯಲ್ಲಿ ಏಕಿದೆ? ಬಾಂಬೆ ಹೈಕೋರ್ಟನ ಗೋವಾ ಪೀಠವು ವ್ಯಕ್ತಿಯೊಬ್ಬರ ‘ಮರಣ ಇಚ್ಛೆಯ ಉಯಿಲು’ (ಲಿವಿಂಗ್ ವಿಲ್) ಕಾರ್ಯಗತಗೊಳಿಸಲು ಅನುಮತಿ ನೀಡಿದೆ.

ಮುಖ್ಯಾಂಶಗಳು

• ಬಾಂಬೆ ಹೈಕೋರ್ಟ್ ನ್ಯಾಯಮೂರ್ತಿ ಎಂ.ಎಸ್.ಸೋನಕ್ ಅವರು ‘ಮರಣ ಇಚ್ಛೆಯ ಉಯಿಲು’ ಪತ್ರಕ್ಕೆ ಒಪ್ಪಿಗೆ ನೀಡಿದರು.
• ಈ ಮೂಲಕ ನ್ಯಾಯಮೂರ್ತಿ ಸೋನಕ್ ಅವರು, ಮಾರಣಾಂತಿಕ ರೋಗದಿಂದ ಬಳಲುತ್ತಿರುವ ವ್ಯಕ್ತಿಗೆ ಅಳವಡಿಸಿರುವ ಜೀವ ರಕ್ಷಕ ಸಾಧನ ತೆಗೆಯುವುದಕ್ಕೆ ಸಂಬಂಧಿಸಿದ ‘ಮರಣ ಇಚ್ಛೆಯ’ ಉಯಿಲಿಗೆ ಸಮ್ಮತಿ ನೀಡಿದ ದೇಶದ ಮೊದಲ ನ್ಯಾ ಯಮೂರ್ತಿ ಎನಿಸಿದ್ದಾರೆ.
• ಅದೇ ರೀತಿ ಗೋವಾ, ‘ಮರಣ ಇಚ್ಛೆಯ ಉಯಿಲು’ ಸೌಲಭ್ಯವನ್ನು ಅನುಷ್ಠಾನಕ್ಕೆ ತಂದ ಮೊದಲ ರಾಜ್ಯವೆನಿಸಿದೆ.

ಮರಣ ಇಚ್ಛೆಯ ಉಯಿಲು

ಒಬ್ಬ ವ್ಯಕ್ತಿಯು ಅಸಮರ್ಥನಾಗಿದ್ದರೆ ಅಥವಾ ಗಂಭೀರವಾಗಿ ಅನಾರೋಗ್ಯಕ್ಕೆ ಒಳಗಾಗಿದ್ದರೆ ಮತ್ತು ಅವರ ಆದ್ಯತೆಗಳನ್ನು ಸ್ವತಃ ತಿಳಿಸಲು ಸಾಧ್ಯವಾಗದಿದ್ದಲ್ಲಿ ಸ್ವೀಕರಿಸಲು ಬಯಸುವ ವೈದ್ಯಕೀಯ ಆರೈಕೆಯ ಕುರಿತು ಸೂಚನೆಗಳನ್ನು ಒದಗಿಸುವ ಕಾನೂನು ದಾಖಲೆಯಾಗಿದೆ.

ಮಾರಣಾಂತಿಕ ಕಾಯಿಲೆಯಿಂದ ಬಳಲುವ ವ್ಯಕ್ತಿಯು, ತನಗೆ ಅಳವಡಿಸಲಾಗಿರುವ ಜೀವ ರಕ್ಷಕ ಸಾಧನಗಳನ್ನು ತೆಗೆಯುವುದಕ್ಕೆ ಸಂಬಂಧಿಸಿ ಈ ಉಯಿಲಿನ ಮೂಲಕ ನಿರ್ದೇಶನ ನೀಡಬಹುದಾಗಿದೆ.

2018 ರಲ್ಲಿ, ಭಾರತದ ಸರ್ವೋಚ್ಚ ನ್ಯಾಯಾಲಯವು ದಯಾಮರಣವನ್ನು ಕಾನೂನುಬದ್ಧಗೊಳಿಸಿತು.

ಮರಣ ಉಯಿಲಿನ ಕಾರ್ಯವಿಧಾನ

ಒಬ್ಬ ವ್ಯಕ್ತಿಯು ಅದನ್ನು ಇಬ್ಬರು ಸಾಕ್ಷಿಗಳ ಉಪಸ್ಥಿತಿಯಲ್ಲಿ ಕರಡು ಮಾಡಬೇಕು.

ವಿಲ್ ಅನ್ನು ಗೆಜೆಟೆಡ್ ಅಧಿಕಾರಿ ಅಥವಾ ನೋಟರಿಯಿಂದ ಪ್ರಮಾಣೀಕರಿಸಬೇಕು ಮತ್ತು ತಾಲೂಕಿನ ಮುಖ್ಯ ಮಮಲದಾರ್ ಅವರಿಗೆ ರವಾನಿಸಬೇಕು.

ಮಮಲದಾರ್ ಅವರು ಅದನ್ನು ಸುರಕ್ಷಿತ ಕಸ್ಟಡಿಗಾಗಿ ಜಿಲ್ಲಾಧಿಕಾರಿಗಳು ನೇಮಿಸಿದ ನೋಡಲ್ ಅಧಿಕಾರಿಗೆ ಕಳುಹಿಸುತ್ತಾರೆ.